Ég átti langt og gott spjall við góðan vin minn um daginn. Við vorum að ræða samfélagið sem við búum í, kosti þess og galla. Eins og gjarnan vill vera vorum við alls ekki alltaf sammála og allavega tvisvar var ég næstum því búin að labba frá þessum samræðum því skoðanir hans fóru svo hrikalega í taugarnar á mér. Já ég veit að ég er 39 ára og já ég  veit að ég á að bera virðingu fyrir skoðunum annarra en þarna bara talaði frekjan í mér.

Þegar ég eignaðist stelpurnar mínar, það mikilvægasta í mínu lífi, stóðu ljósmæður vaktina fyrir mig og með mér. Já ég segi ljósmæðUR því eldri Drottningin tók sér góða 20 tíma til þess að koma í heiminn og endaði sú veisla í bráðakeisara.